சின்னதா/ பெரியதா?ஒற்று வருமா/வராதா?

By editor_ta | ஜூன் 20, 2016

தமிழில் எழுதும் போது நிறைய மாணவர்களிடையே "ன" வா அல்லது "ண" வா(இரண்டு சுழியா அல்லது மூன்று சுழி எழுத்தா) என்பதும், "ர" வா அல்லது "ற" வா(சின்னதா அல்லது பெரியதா) என்பதும், இதற்கு பக்கத்தில் ஒற்று மிகுமா மிகாதா(புள்ளி வைத்த எழுத்து வருமா வராதா) பொன்ற சந்தேகங்களை, தமிழ் ஆசிரியர்களாகிய நீங்கள் எவ்வாறு களைவீர்கள்? உங்களது ஆலோசனைகளையும், வெற்றி பெற்ற அனுபவங்களையும்(கற்பிக்கும் முறையையும்) இங்கே பகிர்ந்து கொள்ளுங்கள்.

sangeethaprabhu's படம்

எழுத்துப்பிழை இல்லாமல்
தமிழ் சொல்லி தர பிள்ளைகளுக்கு சில விளக்கங்கள்...

"ண", "ன" மற்றும் "ந" எங்கெல்லாம் வரும்?
ஒரு எளிய விளக்கம்

மூன்று சுழி “ண”,
ரெண்டு சுழி “ன” மற்றும்
"ந" என்ன வித்தியாசம்?

தமிழ் எழுத்துகளில்
ரெண்டு சுழி "ன" என்பதும், மூன்று சுழி "ண" என்பதெல்லாம் வெறும் பேச்சு வழக்கு.

"ண" இதன் பெயர் டண்ணகரம்,
"ன" இதன் பெயர் றன்னகரம்,
"ந" இதன் பெயர் தந்நகரம் என்பதே சரி.

மண்டபம், கொண்டாட்டம் – என எங்கெல்லாம் இந்த மூன்று சுழி "ணகர" ஒற்றெழுத்து வருதோ, அதையடுத்து வர்ர உயிர்மெய் எழுத்து 'ட' வர்க்க எழுத்தாகத்தான் இருக்கும். இதனால இதுக்கு "டண்ணகரம்" னு பேரு. (சொல்லிப் பாருங்களேன்!)

தென்றல், சென்றான் – என எங்கெல்லாம் இந்த ரெண்டு சுழி "னகர" ஒற்றெழுத்து வருதோ, அதையடுத்து வர்ர உயிர்மெய் எழுத்து 'ற' வர்க்க எழுத்தாகத்தான் இருக்கும். இதனால இதுக்கு "றன்னகரம்" னு பேரு. (சும்மா சொல்லிப்பாருங்க!)

இது ரெண்டும் என்றுமே மாறி வராது..
நினைவில் கொள்க..

மண்டபமா? மன்டபமா? சந்தேகம் வந்தா...
பக்கத்துல 'ட' இருக்கா,
அப்ப இங்க மூன்று சுழி 'ண்' தான் வரும்.
ஏன்னா அது "டண்ணகரம்".

கொன்றானா? கொண்றானா? சந்தேகம் வந்தா...
பக்கத்துல 'ற' இருக்கா
அப்ப இங்க ரெண்டு சுழி 'ன்' தான் வரும்.
ஏன்னா அது "றன்னகரம்"
என்று புரிந்து கொள்ளலாம்.

இதே மாதிரித்தான் 'ந' கரம் என்பதை, "தந்நகரம்" னு சொல்லணும்
ஏன்னா இந்த 'ந்' எழுத்தை அடுத்து
வரக்கூடிய உயிர்மெய் 'த' மட்டுமே. (பந்து, வெந்தயம், மந்தை).

இந்த "ண", "ன" மற்றும் "ந" விளக்கம் பயனுள்ளதாக இருக்கும் என்று நம்புகிறேன்..........

அருமையான விளக்கம் இதுவரை பலபேருக்கு தெரியாமல் இருந்தது.
தமிழறிவோம் இதை பலபேருக்கு பகிர்வோம்.

- படித்ததில் பிடித்தது.

Loganathan P's படம்

அருமையான விளக்கம் நன்றி.
ஆனால் ட ற த இவற்றைத் தவிர வேறு வரிசை எழுத்துக்கள் அதனைத் தொடர்ந்து அமைந்தால் என்ன செய்வது.

17564 registered users
6680 resources